Мектебіміздің ең үздік бастауыш сынып мұғалімі анықталды

Бүгін мектебімізде мектепішілік "Үздік бастауыш сынып мұғалімі-2018" байқауы өткізіліп, өз мәресіне жетті. Байқаудың мақсаты Білім беру жүйесінде Қазақстан Республикасының «Білім туралы», «Тіл туралы»  Заңдарын, Қазақстан Республикасында білім беруді дамытудың 2011-2020 жылдарға арналған Мемлекеттік бағдарламасын, Қазақстан Республикасының мемлекеттік жалпыға міндетті бастауыш білім беру стандартын жүзеге асыру мақсатында мектеп көлемінде шығармашылықпен жұмыс жасайтын, ойы терең, кәсіби шеберлігі мен функционалдық сауаттылығы жоғары, өзіндік жаңашыл идеясы бар бастауыш сынып мұғалімін анықтау болып табылады. Байқау ережесіне сәйкес байқауға еңбек өтілі 5 жылдан кем емес бастауыш сынып мұғалімдері қатысты. Байқаудың І кезеңінде мұғалімдердің портфолиолары талқыланып, ІІ кезеңде қатысушылар оқушының функционалдық сауаттылығын дамыту бойынша модельдерін ұсынып, қорғады. Әділ қазылар алқасының шешімімен байқау қорытындысы бойынша бас жүлдені 2а сынып мұғалімі Раева Азиза Данабаевна, І орынды 3ә сынып мұғалімі Мухаметченова Айзада Илиясовна, ІІ орынды 2б сынып мұғалімі Баромыко Татьяна Николаевна, ІІІ орынды 1ә сынып мұғалімі Омиргалиева Индира Сагынышовна иеленді. Аталған мұғалімдерді алған жүлделерімен құттықтаймыз, шығармашылық табыстар тілейміз!