Мектеп тарихы
Мектеп тарихы
1961 жылдары Линейная және Мир көшелерінің қиылысында құрылыс салынбай тұрған кезде жазық дала болған. Географиялық орналасуына байланысты темір жол бойында жаңа ауыл салынып, Көксу бекеті атанған кезде 2 мектеп жұмыс істеген. Біреуі 7 жылдық, екіншісі 8 жылдық. 8 жылдық мектептің негізінде кешкі жастар мектебі ашылды. Мектеп директоры болып Цой Павел Иванович болып тағайындалған. Ал хатшысы болып Правосудова Мария Николаевна көп жылдар жұмыс істеді.
Сол кісінің айтуы бойынша: Ауылдағы халық саны өскен сайын бала саны да өсіп, мектептер тұрғындардың оқу біліміне құштарлығын қанағаттандырған жоқ. Соған байланысты ауыл тұрғындары Алматы темір жол басқармасына жаңа мектеп салу жөнінде өтініш жасады. Сол азаматтардың белсенділерінің ішінде Байтулаков Олжабай мен Вавианко Надежда Николаевна болды. Көксулықтар армандарына жетіп,1958 жылы жаңа мектеп құрылысын бастады.
1961 жылы №260 Алматы темір жол мектебі алғашқы оқушыларын қарсы алды. 20 класс-комплектісіндегі 600 оқушыны, 50 мұғалімі бар педагогикалық ұжымын басқарып, ең алғаш мектеп директоры болып Приходько Владимир Иванович басқарды. Ол өзінің білімділігімен, мәдениеттілігімен халықтың ойынан шықты. Сол заманның оқушылары, ол кісіні "шыншыл адам” деп таныған. Мектепте жұмыс істеген алғашқы мұғалімдер Стрельцова Елизавета Никифоровна, Шведюк Анна Петровна, Лесная Федосья Ивановна (орыс тілі), Филлиппович Васса Ивановна (биология), Жарова Екатерина Архиповна (география), Югай Тимофеевич Прокопьевич (химия), мектептің атағын жақсы жағынан шығара білген.
1970 жылы Владимир Ивановичтің қызметін Безденежная Ольга Степановна жалғастырды. 2 жыл ішінде Ольга Степановна мұғалімдер және оқушылардан мектеп бойынша қатал тәртіп талап етті. 1972 жылы мектептің сол жағына жаңа құрылыс қосылып салынды. Осы жылы мектеп директоры болып Павлов Федор Емельянович тағайындалды. Павловтың жанұясы жолдама бойынша Көксу бекетіне көшіп келді. Соғыс ардагері, тарих пәнінің мұғалімі болып қызмет істеді. Ол өз оқушыларының жүрегінде білімділігімен, жан-жақтылығымен, тартымдылығымен танылған жоғары білімді маман болып қалды.
1975 жылы №260 Алматы темір жол мектебі Мұқаншы орта мектебі болып аталып, статусын өзгертті. 1980 жылдан бастап мектеп директоры болып Максим Надежда Семеновна тағайындалды. Қысқа уақыттың ішінде ол өзін сауатты, талапты қызметкер ретінде көрсетті.
1994 жылы Максим Тимофеевичті зейнеткерлікке шығарып салғаннан кейін, мектеп директоры болып жас, жоғары білімді, сауатты, жауапкершілігі мол ұстаз Ахметов Асхат Әнерұлы тағайындалды. Асхат Әнерұлы осы мектепте 2002 жылға дейін қызмет атқарды.
Иманбаева Шолпан Абдуллаевна 2005-2006 оқу жылында директорлық қызметте болды. Жас та болса басшылық етуге Жунусов Даурен Хабдолдаұлы 2006-2008 жылдар аралығында жастық жігермен кірісті. Аз уақытта өзін жақсы жағынан көрсете білді. 2008-2009 оқу жылында Оралов Айдар Сламжанұлы директорлық етсе, 2009-2012 жылдар аралығында Иманкулова Диляра Бауыржанқызы басшылық етті. Жас та болса талапшыл басшы екендігін көрсете білді.
2012 жылдың қараша айынан бастап мектебіміздің түлегі Кан Инна Терентьевна басшылық етеді.
Мектептің түлектері де өздерін әр түрлі салаларда көрсетуде. Олардың ішінде Лигай Илья Сергеевич – физика - математика ғылымдарының докторы, Томск университетінің оқытушысы, Лигай Тамара Сергеевна - математика ғылымдарының докторы, Арғынтаев Ерік Сағидоллаұлы –медицина ғылымдарының кандидаты, Әбділдінов Шаяхмет Шайықұлы- полиция жоғары мектебінің оқытушысы. Көп жыл бойы Цой Александр Иренович Алматы темір жолының полиция бөлімшесін, ал Шентемиров Көбеген – Талдықорған облысының мемлекеттік автоинспекциясын басқарған. Оның қарындасы Шентемирова Әймен-Шұбар ауылының әкімі. "КСРО-ның құрметті теміржолшы” атағына ие болған Байтулаков Олжабайдың баласы Байтулаков Төлеубек әйгілі Айнабұлақ станциясында ПЧ бастығының орынбасары болып қызмет етеді.
Мектеп түлектері арасында мұғалім мамандығын таңдап, туған мектебінде жұмыс істеп жүргендер де баршылық: Олар: "Қазақстан Республикасының білім беру ісінің үздіктері” - Пак Светлана Александровна, Байтулаков Сталинбек Олжабайұлы, Люсина Валентина Александровна; Вагайцева Ольга Владимировна, Ю Александра Дайлуновна, Кан Инна Терентьевна, Ускембаев Иса Тынышбаевич, Гааг Ольга Михайловна, Раева Азиза, Бағдан Қадиша, Курмангалиева Гульшан, Усимбаева Жұлдыз, Талдаубек Нұрдыбек, Ускембаев Ильяс, Әбішев Шыңғыс.